Walther von der Vogelweide Uns hât der winter geschât über al Liedtext

Uns hât der winter geschât über al:

heide unde walt sint beide nû val,

dâ manic stimme vil suoze inne hal.

Saehe ich die megde an der strâze den bal

werfen, sô kaeme uns der vogele schal.

Möhte ich verslâfen des winters zît!

wache ich die wîle, sô hân ich sîn nît,

daz sîn gewalt ist sô breit und sô wît.

Weiz got, er lât ouch dem meien den strît:

sô lise ich bluomen, dâ rîfe nû lît.