Walther von der Vogelweide Swelh herze sich bî disen zîten Liedtext

Swelh herze sich bî disen zîten niht verkêret,

sît daz der bâbest selbe dort den ungelouben mêret, dâ wont ein sælic geist und gotes minne bî. nû seht ir, waz der pfaffen were und waz ir lêre sî: ê daz was ir lêre bî den werken reine,

nû sint si aber anders sô gemeine, daz wirs unrehte würken sehen, unrehte hœren sagen,

die uns guoter lêre bilde sollten tragen, des mugen wir tumbe leien wol verzagen. ich wæn aber mîn guoter klôsenære klage und sêre weine.